Қазақстанның Тәжікстандағы мәдениет күндеріне арналған салтанатты концерт өтті. Тәжікстан астанасы Душанбе қаласындағы «Кохи Борбад» сарайында өткен гала-концертте қос мемлекеттің өнер майталмандары өнер көрсетті. Қасым-Жомарт Тоқаев пен Эмомали Рахмон және бауырлас тәжік халқы Димаш Құдайберген, Айгүл Үлкенбаева, Темірлан Бейсембай (Ratovich), «El Voice» тобы, Фарух Тохтамуратов (Adam) сияқты сахна саңлақтарының өнерін тамашалады.
Халықаралық дәрежедегі айтулы шараны «ALQA» радиосының бағдарлама жүргізушісі, театр және кино актері Әділ Ахмет жүргізді.
